Riikkabeaiválggat Pirkanmaas

Riikkabeaiválggat Pirkanmaas

Hei, mun lean tamperelaš Minna Minkkinen. Mun lean evttohassan giđa 2023 riikkabeaiválggain. 

Suoma vuođđolága mielde stáhtaváldi Suomas gullá álbmogii, man ovddastit riikkabeivviide čoahkkaneaddji riikkabeaiáirasat. Riikkabeivviide gullet 200 riikkabeaiáirasa. Riikkabeaiáirasat válljejuvvojit juohke njealját jagi doaimmahuvvi njuolga, gorálaš ja suollemas válggain. Pirkanmaas riikkabeivviide válljejuvvo 20 áirasa. 

Mus lea lagašdivššára ja sosionoma skuvlejupmi ja mun studeren sosiálabargin. Badjelaš logi jagi sosiálasuorggis leat čájehan, ahte ii leat áibbas seammá, gii áššiid birra mearrida.  Boarrásiidbálvalusain barggadettiinan mun oidnen, mo buriin resurssaiguin ožžot áigái alla dási dikšuma ja mo vátna resurssain eai. Gárrenávnnasbálvalusain ja mánáidsuodjalusas barggadettiinan mun oidnen, man erenoamáš dehálaš lea, ahte vuođđobálvalusat doibmet ja ahte dikšui ja bálvalusaide beassá dárbbu mielde johtilit. 

Mun lean doaibman Tamperes gávpotáirrasin badjel logi jagi áiggi ja dál mun lean maiddái buresbirgenguovllu áirras. Dáid luohttámušdoaimmain mun lean bargan olles fámuin sosiálalaš vuoiggalašvuođa ja ovttaveardásašvuođa ovdii. Mun lean ovdamearkka dihte gáibidan njuovžilut gárrenávnnasbálvalusaid ja lasi resurssaid boarrásiiddikšumii.

Sierraárvvosažžan šaddan ja dálkkádatkriisa leat min áiggi stuorámus váttisvuođat. Olgešbeale bellodagat navdet, ahte dál lea áigi čuohppat unnán dinejeaddji olbmuin ja guođđit dálkkádaga vuordit, vai riggáide sáhttet addit vearrogeahpádusaid, mat ain lasihivčče stáhta vealggi. Gefiid geafohuhttin ja dálkkádatkriissa jođálmahttin eai buvtte Supmii ollenge buresbirgema. Baicca nuppegežiid.

Mii galgat hukset servvodaga, mas mánát ja nuorat eai oađe buohcceviesus bolstariid alde láhtti alde, baicca buohkaide dárbbašeaddjiide lea seaŋga ja doarvái bargit dikšumin sin. Mii galgat dahkat mearrádusaid, mat dahket vejolažžan, ahte juohkehaš sáhttá iežas duogážis fuolakeahttá studeret nu guhkás go nákcejit. Mii galgat dahkat politihka, mii dáhkida midjiide eallingelbbolaš planehta. Mii sáhttit ja mii galgat hukset servvodaga, mii lea vuoiggalaš buohkaide ja mas dálkkádatkriisa čovdojuvvo. 

Juos gudneáŋgiris dálkkádatpolitihkka ja sosiálapolitihkka leat áššit, mat beroštahttet maid dum vuolgge áinnas bargat muinna vuoiggalut boahtteáiggi beales! Dál mii duođai dárbbašit stáđisvuođa ja boahtteáiggi jáhku láhčči politihka. Dál mii dárbbašit gurutbellodaga válgavuoittu. 

Váldit áinnas oktavuođa 

minna.minkkinen@vasemmistoliitto.fi (suomagillii dahje eŋgelasgillii) 

Geavat iežat jiena riikkabeaiválggain. Riikkabeaiválggaid jietnavuoigatvuohta lea buohkain maŋimustá válgabeaivve 18 jagi deavdán Suoma riikkavuložiin.

Ovdajienasteapmi 22. – 28.3.2023. Válgabeaivi 2.4.2023

 

Vastaa

Sähköpostiosoitettasi ei julkaista. Pakolliset kentät on merkitty *