Gielddaválggat bohtet!

Gielddaválggat bohtet!

Geassemánu gielddaválggain válljen láhkái mearrideaddjit galget dahkat politihka, mii duddjo boahtteáiggi masa juohkehaš sáhttá luohttit. Koronapandemiijas máhccan normála dillái lea čuovvovaš váldostivraáigodaga dehálamos bargu. Mis lea ovddabealde pandemiija dagahan buresbirgenvealggi dikšun sihke dálkkádatnuppástusa bisseheapmi. Mii máhccat normála dillái dušše juos mii atnit fuola das, ahte juohkehaš bissu fárus ja oažžu daid bálvalusaid maid dárbbaša. Mii eat ceavzze das goaridemiin, baicca investeremiin. Tampere lea álot leamaš boahtteáiggi gávpot, mun háliidan ahte dat lea dakkár boahtteáiggisge.

Mun oainnán boahtteáiggi Tampere ealli gávpogin mii bidjá návccaid skuvlejupmái, bálvalusaid kvalitehtii ja juvssahahttivuhtii sihke gávpogin, mii bargá iežas oasi dálkkádatnuppástusa duostuma ovdii. Čuovvovaš váldostivraáigodagas galgá váldit guovddáža olggobeale ássanguovlluid ovddideami guovddážii. Guovddáža olggobeale ássanguovlluid loktii návccaid bidjan eastada guovlluid sierraárvvosažžan šaddama, lasiha searvevuođa sihke lasiha guovllu ja olles Tampere eallinnávccalašvuođa. Guovddáža olggobeale ássanguovlluin galgá leat buorit eallit ja buorre árgaeallin buohkain.

Mun lean evttohassan gielddaválggain. Mun lean 36-jahkásaš sosionoma, gávpotáirras ja gávpotstivrra lahttu. Mun barggan Tamperes mánáidsuodjalusa lágádusdivššus. Mun lean doaibman Tamperes gielddalaš luohttámušdoaimmas logi jagi. Mu mihttomearrin lea vuoiggalaš servvodat, mas juohkehaš lea friddja ollašuhttit iežas. Mu dehálamos árvvut leat sosiálalaš vuoiggalašvuohta, ovttaveardásašvuohta ja olmmošvuoigatvuođat. Sierraárvosažžan šaddan ja dálkkádatnuppástus leat min áiggi duođalamos problemat, maid galgá čoavdit buot politihka dásiin. Máilbmi sáhttá leat maid vuoiggalaš, ja mun háliidan bargat dan ovdii.

Pandemiija dihte válggat sirdojuvvojedje cuoŋománus geassemánnui. Gielddaválggaid válgabeaivi lea 13.6. Ovdajienastanáigi lea 26.5.-8.6.

Doallat áinnas oktavuođa (suomagillii dahje eŋgelasgillii)

minna.minkkinen@vasemmistoliitto.fi

facebook.com/minkkinenminna

twitter.com/MinkkinenMinna

Vastaa

Sähköpostiosoitettasi ei julkaista. Pakolliset kentät on merkitty *